Siko kesindap tik udah ngejang ka Gua Batu.. ngagai ruang mata & dunya tik baru.. ukai mina terebai, tang udah nemu bejalai, ngerayap..belanda, nyemerai, nyelam, engkechit, belumba.. baka urang bukai... peace!
Yah.. Hari yang gelap. Laban ka ujan. Pagi tu tadi, ok jak ari ba Bintulu, sebedau niki ke office, nganjung kereta ngagai car wash illegal ke bisi dibuka ba belakang office kami. Murah jak. sereta beresi..
Pukul 10 ku malik ke luar, fuh... hari yang gelap. Ka ujan.. Nadai asil ndar ga nuci kereta pagi tadi.
Diatu 10.30 pagi, aku baru bangkit ari tido. (tindok nda lama). Pala ku adeshh.. tubuh pan adeshh.. ayong jak asai pala ku. Asai ka rebah jak... nda nemu nama hal.. darah.. nda kala tinggi darah aku tok.. Mungkin sebab kurang rest kini.. atau result ari aku selalu tido laun.. uh...
Ka ngiga ubat lok tok.. lalu majak pala tok.. kerja agi maioh ga tu.. apapun, aku rest lok. Kalo lopots, nadai guna meh kerja siap kan... pengerai no. 1 jaga dulu.. zzzz...
Wah.. saritu genap beberapa bulan aku enda update Blog aku tu. Sibuk wai... sampai nadai ari ka beblog.. Fuhh... nasib aku nda stress neh... hehe.. pendek kata (munyi ko cigu kami suba), busy belama.. Perlu amat-amat time management...kena seimbangkan antara elemen-elemen dalam pengidup tu... Nama kebuah perlu... awak ke nda stress.. awak utai dikerja ulih bejalai manah magang.. hopefully.....
Career
Last month set meeting antara delegates ari Middle East enggau local Engineeering company based ba Bintulu & KL. Arap ka bisi asil ke manah meh ari meeting nya tadi. Ari gaya ke peda aku, bisi jalailah.. Besebut ka pasal bala pak arab tu, sigi no. 1 ka company local kitai ditu JV enggau sida. Ukai nama deh.. RM sida nadai limit.. Taja pia, sida arab tu ukai urang ke senang pecaya ke urang peda aku.. semua pekara pan gaga sida behati-hati.. result oriented.. lalu ka rushing ngereja pengawa.. lalu ka utai nyadi tekala nya enti ulih.. Nya meh.. Sedikit sebanyak perlu nitih culture siti-siti menoa enti ka invest ba menoa urang.. Apapun, wish utai tu ulih nyadi ke pun cooperation/kerjasama antara dua pihak tu. Enti pengawa bejalai mujur, alhamdullilah ko laut.. aku pan mujur meh..
Nya ba senentang career. Bedau abis agi nya.. Last month mega, lalu nyentok ke bulan tu mega, Krew kami bisi nurun ke offshore. Lebih 100 iko yuu.. pelbagai position. Ngelu pala ngatur dokumen sereta logistic sida ya. Mensia ukai sama ragam.. siko-siko bisi ragam ya empu. Haha.. Udah pengawa ba HR, nda alah kelari ke nya. Hari-hari deal enggau mensia.. ka tensen ga kekadang. Nyamai agi deal enggau mesin.. tekan d butang ya, bejalai ya.. mensia, hehe.. nggai cakap ku.. Tang taja pia, semua udah bejalai enggau manah.. Selamat magang datai ba kapal endor gawa.. semua pan senang ati..
Passion... uhh... nadai utai bukai enti ba aku tu.. Gitar.. muzik.. hari-hari.. Suba, maia abis sekula, nadai kerja.. ari-ari main gitar.. jam sigi enda berasai bejalai.. udah nyadi rutin pengidup aku. Udahnya nyau bekerja, masa nyau makin singkat.. Ba part tu ke maioh urang give up hobi/minat sida. Ketegal kerja.. ketegal nadai masa. Sayau ndar enti ngetu kan..? Udah sebati enggau pengidup. Baka aku ke gila main gitar tu, enda ulih dipisahkan sema jako..
Sepengudah gawa beberapa taun tu, agi meh aku enda ngeleka ka instrument tu. Masa anang nyebut, sigi nadai sekali.. Jadi, aku enchuri masa main gitar maia malam ari, start ari pukul 10 malam.. sampai pukul 2 - 3 pagi. Tiap-tiap ari tu. Udah nyadi rutin pengidup. Kumbai ka nyadi artis, ukai ga. Tang ati ke majak ngansak bakanya. Jari gatal ka main ya belama-lama. Jadi, nyadi kesindap meh aku tiap malam, bemain gitar sampai enda ngelala jam. Masalah ya ? Mula-mula, sigi dani pagi. Melintat leka mata. Merah, baka mata Rajanikanth. Nda ngawa la Rajanikanth nya, hero legenda Tamil. Tang aku, ke mirah mata nurun ke office pagi ari. hehehehe.. nyau ke lama-lama, munyi ko urang nyau tebiasa. Tang agi meh melintat mata ka dani pagi. kekekeke... Janji senang ati lah... Temaktub ba misi aku Taun tu, ulih master lagu 'Five' ari Guthrie Govan.. empai tecapai gik. baru setengah jalai. Amat pama lagu nya. Pedis aku ka nitih 100% laban aku suba ukai main gitar aliran fusion/jazz. Tang aku start ari Rock/Metal. Diatu nguji main fusion laban teknik ya amat komplikated & feel ya sigi power. Tang power agi lah Metal ba aku.. hehehe..
Oh ya, gitar baru aku pan dah sampai last week. Siti Ibanez RG & siti g Ibanez Vasi Morrison. Diatu aku udah ngumpul 4 electric guitars.. and siti akustik. hehehe.. koleksi..koleksi.. nda alah main 4-4 sekali nya.. main siti-siti.. masing-masing gitar nya bisi kelebihan ya empu ari segi tone.. keselesaan main ya.. & berat of coz lah.. ngetu lok part music tu. Ulih seari-ari aku nyebut utai tu.. hehe.. ops.. stop....
Finally...
Life.. Study! ugh... tu ukai utai diberi tauka diasuh urang. Tang utai dipinta diri empu. Bulan 9 tu kemari aku udah register mengompomkan diri ngambi Master ba HR Management. Naa.. nda berasai, begolek datai ngagai email aku, 3 iti assignment kena semester tu. Online discussions agi.. semua nya diambi kira marking sem tu. Wahlau.. laun gik meh aku tindok enti bakatu.. Mula-mula aku register biasa & perlu attend kelas ujung minggu. Tang last kelas ku minggu tu kemari. Nadai ari attend kelas belama taja pan 2 minggu sekali. Enda alah terebai ke KL 2 kali sebulan laban center aku din. Ba Sarawak tu bisi center sida tang nadai offer HR. ne.. ngisi la aku form nyadi online learner.. So diatu aku secara rasmi nya, belajar online.. Sigi tough asaiku laban nadai tutor ba faca to face learning. Nda ngawalah.. Aku cuba adapt ngagai persekitaran belajar online tu. Ba pengidup dudi ari pan, laban dunya makin mansang, online nda alah dikelari... awak ke sebati enggau pengidup. Arap ke aku ulih lulus enggau cemerlang meh ba Sem tu. Aku sebenar ya ukai kaki buku / study...Sigi dalam ati ku din madah study is boring!! Tang laban aku sedar utai ke diambi aku tu amat perlu dalam career & pengidup aku.. Nya meh tau nyadi ka.. rajin.. (konon..) hehehehe....
Agi nyebut pasal pengidup baru... roda pengidup ke bukai... baka biasa meh.. family, semua ok. Relation enggau urang pan, setakat tu, manah magang asaiku. Nadai ngaga munsuh enggau sapa-sapa.. nadai ngemedis ati sapa-sapa. Cuma bisi meh kekadang aku kurang meri perhatian ngagai seseorang ketegal ka balancing antara kerja - hobi - study & pengidup aku.. Minta ampun meh ngagai urang nya. Hehehe.. Nganti album ku pansut ila.. (demo ) - instrumental, aku devote lagu siti ngagai ya.. lagu ke pemadu manah ba aku meh... hehehe... (bisi ke nda ya maca tu neh..)
Bah.. nangka tu dulu meh. ila aku nyambung baru. Arap ke saritu ulih maju setapak dua langkah meh munyi ko laut.. Auk.. sama-sama maju meh kitai.. aram... Majuh dulu.. hehehehe...
Lama ga enda nyenguk blog aku empu. Kumbai maioh pengawa, enda ga tang nya meh, pengawa ke mit-mit nya ke ngasuh enda ulih fokus kitu.
Apapun, mina ka share, pagitu tadi ari ba Bintulu ujan baru. Bisi mendua minggu tu ari udah mopok ujan belama. Empai lama jerebu ga, balat amat sampai aku terpaksa cancel jadual jogging ku maia lemai ari. Enggai nyadi ga betangkup mua maia jogging (ngena Mask). Bisi ari aku luput ba taman. Ko jako ngiga pengerai, ujung-ujung nyau aku ke dianjung ke sepital.
Ngenang ke jerebu tu kemari, amat balat meh. Maioh aku meda ba news, tu semu ketegal urang nunu - kelebih gik disalah ke sida, urang seranta ke bumai taun laban udah teknik nanam nya nyengkaum pengawa nunu umai. Tang dalam musim ke sama mega, kompeni-kompeni plantation ke besai-besai, ngambi peluang mega nunu dalam skala besai. Tu ke balat gik peda aku (aku bisi meda dua tiga iti ladang baru ke benong nunu kampung). Amat balat sida tu betunu ke kampung. Ngeleng pala aja aku meda. Permit bisi ga sida.
Yang best nya, bisi sari dua udahnya, maioh permit kena nunu terbuka tu digantung perintah. Maka, bekuranglah jerebu. At least bisi la kurang mimit-mimit. Sampai 2 minggu ke udah, musim ujan pan bermula. Ari celap belama - aku pun happy senyum panjai nurun kerja - pulai kerja. Best aper..
Timbul ga isu siti ba bala bakih. Ari ujan - kereta selalu kamah - puas nuci ko.. hehehe.. panas salah.. ujan salah.. jerebu salah gik.. Apapun, aku syukur aja, ari ujan tu kira rahmat meh. Meresi dunya kitai tu. Nuci atap rumah - nuci daun-daun & kayu-kayu ba kampung. Enti nadai ujan, ka kitai ke kampung mai baldi nuci daun siti-siti demi persekitaran ya ke sihat gik ? enggai pelabaku. Kerja gila nya. Auk. Kerja gila tang amat beguna. Ujan nya meh nyadi agen pencuci dunya kitai. Jadi, terima kasih Hujan - (Ukai kumpulan Hujan - aku enda entu minat sida tu)
Ok.. tu aja dulu. Ari majak ujan meh ba luar nya sambil aku naip blog tu. Adess! Kamah kerita kena ku pulai legi! hahaha.. sebaka ga aku sebana ke bakatu neh.. hehehe.. Thanks God for the Rain!
Sebagai respon ngagai peminta bakih aku siko (Ex-room mate ku ba Unimas kelia.. Johnny Joklis namanya...), aku post video ku cover lagu ' Canon Rock' ari Jerry C tu.
Suah ga ninga lagu tu tang enda kala ka nguji cover ya. Nyadi malam tadi, aku minjau camcorder kaban aku kena ngerikod lagu tu. Untuk audio recording, aku ngena BR900CD, gitar Jem Jr, no special effect, a Headset, & bangku endor duduk. He he he...
Ngarap ke bakih ku nya puas ati.. aku pan puas ati mega laban lagu tu amat-amat 'fun to jam with'.. melodi ya sangat 'catchy' ko jako ribai.. Taja pia, enda smooth ga aku main tang enggai enda ngeruh ke aie..
Guitar Idol. Dianjurka London International Music Shows (LIMS). Sapa-sapa gitaris ari seluruh dunya tau enggau masuk pekit tu. Samada ngena backing track ke bisi disedia ka tauka ngena lagu gaga diri empu.
Tu meh ke di anti aku belama niap taun. Ukai tegal ka enggau, tang tegal ka meda battle antara gitaris-gitaris baru & berbakat ari seluruh dunya. Taun 2008 suba, Siko gitaris ari Brazil menang lalu bulih gelar Guitar Idol 2008. Nama ya Gustavo Guerra. Bermula ari youtube, ya nyadi faveret Judges & viewers. Aku suah ninga lagu ya lalu pia mega aku pan subscribe ngagai channel ya ba youtube. Memang sangat-sangat berbakat.
Gustavo Guerra
Lengka ke gitar idol 2008. Taun tu, 2009! Gitar idol season baru tu memang sangat best line-up finalis ya peda aku. Lalu nambah ke nya, bisi siko wakil ari asia tenggara enggau bepekit ba gitar idol ke cukup berprestij tuk. Iya tu ari ngeara Jiran kitai, Thailand. Nama ya JACK THAMMARAT. Lagu gaga ya ianya 'On the way' cukup manah dinga pending aku. Sigi nda salah aku maia first ninga ke lagu ya nya suba. Dalam atiku madah iya tu sigi bisi peluang besai tepilih ngagai final bulan tujuh tu ba London.
Bangga ga asai meda bisi wakil ari asia tu enggau pekit tuk. Lagu Jack Thammarat, On the Way tu, nda teknikal & komplikated endar ga tang cukup manah didinga, meruan ditusun manah semua skill, tone, melodi & feel ya. Influence besai dalam Jack Thammarat dinga aku sigi enda jauh lari ari Sifu gitar legenda, Joe Satriani enggau Eric Johnson.
Ah.. enda sabar ka nganti final tu ila. Ngarap ke Jack Thammarat bulih lumur meh dalam pekit tu. Sida ke bukai bakanya mega, semua ya hebat-hebat magang. Kekadang, maia online vote, enti didinga ke siko-siko, sampai enda nemu siko ni bagi ke patut divite laban semua pan manah-manah magang.
Ngagai sapa-sapa ke ka ninga lagu gaga Jack kena pekit Guitar Idol tu, tau click ba video di baruh tu. Aku gerenti tangkap lentok punya..
Oklah, cayo cayo! untuk Jack! hmm... kemaia meh Bujang Kesindap tu ulih enggau urang masuk pekit tu... hehee.. agi practise tu.. dalam setaun dua gik kini..... insyaallah ko laut...... peace!
Pejam enchelak..pejam enchelak... enda berasai ga udah semak bulan enam. Nah... aku dah madah.. enda berasai tuai kitai mensia tang ati ke agi mengkang biak belama..
Apapun, aku ka meri "SELAMAT ARI GAWAI 2009" ngagai semua bala ke bisi ngintu pengerami Gawai Dayak kitai tu. Amat munyi ko lagu, Gawai setaun sekali... tu meh maia kitai ngintu ari besai kitai. Taja pan ba anembiak ke rebak baru diatu, Gawai nya bereti = rami.. poco-poco.. ngirup... tang meh tuju Gawai tu ke bendar, ba penemu aku, kena meri basa ngagai Petara-Petara kitai ke udah nulung mandong kitai ngelama tu.. nya ba pengarap lama lah.. reti ya, udah ngetau apa semua.. bisi padi.. bisi beras.. beras pulut.. nya ke digaga ke tuak...
Nyadi maia Gawai Dayak tu mega, maioh ga bala ke agi mengkang bepigai ba adat lama, ngintu diri.. terutama anak lelaki. Ni ke begawai sandau ari.. begawai tanju.. macam-macam agi lah sampai Gawai nama ke Tuah... kena ngiga nyamai.. ngiga insur.. ngiga celap embab meh nya...
Kemaia ari tu.. maioh udah masuk kristian. Taja pia, Gawai Dayak enda kala ditinggal mega. Maioh ke muka pengerami Gawai tu ngena sembiang. Sama meh nya, meri terima kasih ngagai Petara.. minta berkat, minta gerai nyamai...
Lalu ngena peluang ari Gawai tu mega, menoa kitai bisi meri cuti ngagai rayat ya.. ba Sarawak & Sabah lah. Iya ke ba Semenanjung, memohon cuti ga ngagai majikan sida.. Sida ke ba seberai menoa, baka nya mega.. bisi ke ulih pulai.. bisi ke enda.. seilu-ilu meh ati.. ni ka nda.. ngenang ka peluang tu kena betemu, begempuru, betundi begagai enggau bala kaban belayan.. nyaa.. nyau berasai endar nyadi anak sarawak maia ngintu pengerami tu..
Tu bisi kad Gawai digaga aku (Kena ba site www.rumahpanjai.com) dituju ngagai semua ke bisi nemuai ngagai blog aku tu. Aku ngarap ke kitak semua gayu guru, lantang senang, celap lindap, kaya raja, famous popular, sereta idup penuh berekat enggau pengaga... Arap ke masin meh jako aku tok.. ya ke bedau bisi tawing, bulih tawing.. ya ke agi belajar, bulih pangkat tik manah, lalu majak tinggi sereta meningkat pelajar iya.. iya ke bekerja, arap ka bulih peluang niki pangkat.. bulih peluang kerja ke manah gik.. iya ke muka dagang, arap ke maju, untung sereta dikelala seluruh dunya.. iya ke belagu.. bulih no. 1 ba carta.. iya ke udah berumahtangga, arap ka rezeki maioh gik, bulih anak meh ya ke bedau.. sereta maioh agi lah utai bukai.. simpul ke jako.. mujur dalam semua pengawa ke dikereja...
O haaa... arap ke ngasi.. nyadi... nyengenda... nyeruga meh sampi Bujang Kesindap tu. Ngicha ke semua kitai sama bela angkat magang dalam pengidup.... enti semu senang lantang.. enda ke best diau d dunya tu... semua pan senyum & hepi magang... hehehe..
Ok... sekali agi.. "SELAMAT ARI GAWAI DAYAK 2009 NGAGAI SEMUUUUUAAAA..." Nyadi, tu pesan aku beserimbai enggau ari Gawai tik ka datai taun 2009 tu..
Ngirup .. ngirup ga.. tang anang meh sampai munuh diri.. sampai belaya enggau pangan diri..
Berami meh enggau cara tik beradat..
Anang enda ingat meri terima kasih ngagai diri sebilik, tanda nuan rindu ke sida..
Puu Neh... Enda berasai udah 24hb Apr 2009. Asai ka baru kemari aku naip last blog ku.
Naa.. busy amat beberapa minggu tu. Maioh macam meh pengawa dikereja. Ari Minggu pan nda kecuali meh. Ngicha ka lempong mimit pengawa minggu seterus ya. Tang sampai ke saritu agi mengkang maioh pengawa. Nyadi, ngelimpang mimit aku muai minit kena naip post siti tu.
Ujung bulan empat dah tu. Enda berasai amai meh taun tu enti majak bakatu. Sayau mat ke jam ke kelalu laju ba aku. Ukai ulih ditikal ka pulai. Maioh utai ka dikereja. Lalu bakanya mega, maioh ga utai mengejar masa sampai enda berasai jam mopok bejalai laju. Umur pan makin tuai meh. ahh.. nyau masuk ke 29 umur ku taun tu kena bulan sepuluh tu ila. Huhu... Tuai meh nya. Tang enda meh reti aku enda ulih ngetan ka gelar aku sebagai pemain guli terbaik setat ari sekula kelia.
Oklah, dah start ka mamau untak tu. Maioh utai bukai ka dikunsi ku ditu. Tang nangka tu dulu. Ka nyambung pengawa dulu. Kati deh.. enda gawa, nadai ga penatai.. enggai nyadi makai angin jak. hehe...
Adios unggal-unggal, endu-endu, aya-aya, ibu-ibu, kaban belayan, peace! Betemu baru kitai enda lama agi.
Beberapa ari tok, bendar mat begiga ka DPO (Dynamic Positioning Operator). 2 iko gik nya request ari HQ. Mopok lah aku ngerumbak database, check enggau contacts & network ke bisi. Bisi DPO tapi, nadai siko ga bansa kitai tauka ari menoa kitai ba Sarawak tu.
DP tu kira teknologi kemaia ari kena urang ba kapal. Enti baka suba (diatu agi meh), maioh kapal tauka barge endor gawa ngena system anchor kena positioning kapal. Diatu udah bisi maju gik, ngena DP system. Bc propeller / injin ya tauka kumbai urang thruster. Aku enggai explain panjai-panjai pasal DP system tu laban aku enda nemu endar ga. Ukai aku ke ngaga pattern DP system. Tang utai ke ka dipadah ku ditu ianya, lubah mat bansa kitai nemu sereta telibat enggau pemansang teknologi-teknologi baru (dalam kes tu, DP system).
Enti anchor system, maioh ke kelala ku ulih ngereja pengawa tu. Tang DP system, perlu certificate & endorsement ari approved maritime training centre. Gaji ya enda ga baka ke jaie. Offer company kami tu start at USD450 per day. Umbas ya ga nya maia dibanding ka enggau kos hidup ba menoa kitai. Kira ulih hidup sederhana meh.
Ngagai bala anembiak, enti baka ulih, career ke specialized ketu meh ambi ngicha ke nyamai gik bulih pengawa tik nyingkang ngena tekonologi. Ba Akademi Laut Malaysia asai ke bisi dioffer course tuk..
Hmm.. ka advertise lok secara lokal. Ni nemu, bisi kini bansa kitai ke ulih mangku pengawa tu. Enti nadai ga, ka pan enda ngambi urang ari India tauka Poland. Laban sida tu ke maioh gik certified ngereja pengawa tu.
DPO..DPO... DPO.... legi ku nguji nanya bala prebet sapu ba tamu.. ngka bc ngelala. hehehehe....
Small Band Project by Both Bintuluan who share the same interest in music. Sounds cool eh...? Baka Ke padah ku tadi nya meh.. Sekali tu, aku & member ku Gideon udah besetuju ke nama Side Project's Band kami duai tu. Ianya "Enchanted".
Kebuah nama tu dipilih, laban masa kami duai tido tengahari tadi, enggai dani-dani seolah-olah kena jampi.. hehehe.. Enchanted. Apapun, sigi bisi meh sebab milih nama tu.
Ok.. Nyadi tu, Draft Music pertama gaga kami duai. Bedau entu manah endar ga tapi bisi ga rangka ya. In times to come, kami duai ya akan improve ke track tu. Sounds a bit Heavy.. hrmm.. Manyak heavy lah...
Beri la komen enti kitak bisi ninga lagu tu ditu. Ka ninga lagu tu, kitak mesti nganti ya loading.. & click play button diak meh.. Enggai engkah autopla laban it cud be annoying untuk urang ke ka maca post ke bukai ba front page blog tu.
In the future, more to comes. Gud luck to myself & Gideons.. oh ya .. to the " Enchanted" of course.
Yes.. Baka ke diplanning ku taun tu, mesti bisi small band project sebedau apus taun 2009 tu.
Dahnya, ba www.rumahpanjai.com, aku bekelala enggau Gideons a.k.a Gapil - drummer kumpulan Hevance(Young and a very promising Local band) lalu kami duai cuba start ngadu / ngarang instrumental muzik. Gideons tu (drummer) akan nyadi tulang belakang muzik-muzik ke akan dikarang laban ya ngaga semua drum track.
Note: Drummer tu pengawa ya = ngeratuk dram.. besen.. baldi .. bongo.. kastanet.. tauka apa-apa jak jenis percussion.
The rest of the part, terutama bahagian gitar solo ya, nya nyadi tanggungjawab aku. Kami duai planning ngaga dua tiga iti instrumental dalam masa terdekat tu lalu muzik ke diplanning kami duai enda tertakluk ngagai siti genre jak, kira universal, kena experiment.
Planning tu tercetus ari minat & obsess ngagai muzik & instrument ya. Nadai bisi commercial interest kenu ko jako ribai. Mina kena merindang ati lalu ari azam/cita-cita ke deka ngaga sesuatu ya ke bekualiti, nitih ke singkang muzik kemaia ari.
Jadi, aku akan update progress 2 piece band kami duai tu.
Eh.. bisi dah madah nama band tu aku ??? empai neh... Ila meh ku madah....
aha... bisi siti dah draft instrumental kami duai ya tembu. Empai finalize gik. Enti bisi ari lemai legi, aku upload ya kitu.. he he he...
Gideons, u rock dude! Best of luck in our venture!
No one told me about it.. Pranks all over the world.. hehe.. bula ku jak..
Hmm... ba menoa tu ditu, nama nda kaitan enggau budaya kitai... tapi maioh ga bala nembiak kemaia ari, temasuk aku empu meh (Suba selalu.. diatu dah mereti) mempraktikkan kejadian April fool's day tu.
Teringat maia sekula suba... maia sekula kelia.. urang ke manchal sigi dianti iya ari tu datai... Laban selalu k nundi urang.. Macam-macam experience ngena ka bala kaban-kaban.. bc ga kekadang kala tekena...
Cth maia pom 3 suba.. kaban kami siko tu, enda nemu utai.. dalam beg sekul iya disimpan kami jam loceng ke ragak nya (style kelia mpu jam)..
Diset kami 12.45 tghari (Tu jam maia mensia benong maioh keluar pulai ari sekul).. kami nyimpan jam nya maia loceng terakhir sekula memunyi.. maia deka pulai.. enggai ke peda ya maia ya nyimpan bup..
Nama gik deh.. maia ya bnong kontrol encem bejalai pulai sekul.. lalu radak2 meh jam loceng nya dalam beg ya... iya pan bingung malikngagai urang bukai.. urang pan malik ya.. lalu ketawa ke ya.. Maia ya muka beg & sedar tu kerja kami, maia nya kami udah jauh lari.. udah datai ba pasar din kami ... rising-rising ketawa... kui kui kui... the next day, buat dono jak...
Nah... nya kenangan maia agi sekula suba.. maioh gik lah pengawa bukai ke tau ngasuh senyum kediri enti ngenang ya diatu..
Diatu, nadai ka ngaga utai kenya agi.. nyau mereti gik pelabaku. hehe...
Cuma, maia ari bakatu, anang kelalu meh betundi enggai ka ulih ngenatai ka pemedis baik fizikal tauka mental.. Betundi begagai di samping nya agi dalam lingkungan moral ya ke ulih diterima akal. Anang kelalu ka betundi sampai medis pangan diri baka gambar di baruh tu..
Akii.. pedis mat tik kena nya.. ringat sigi kompom lalu enda ulih gawa. Ujung-ujung belaya laban nya.
Haa... Talking about music.. Guitar meh instrument ke paling nda ulih leka ari pengidup aku sari-sari. Dalam sari, paling kurang meh dua jam kena ku practise.
Diatu bisi misi baru kena ku improve skill, fingering, speed & ketepatan dalam bemain gitar. Misi tu is to cover lagu ' Fives' ari Guitar Virtuoso ari UK ianya Guthrie Govan, ari album 'Erotic Cakes'. Lagu tu bagi aku, melanggar hukum karma standard fingering, laban iya memerlukan nuan tepat & laju di masa yang sama. Setakat tu, mina intro depan & part tapping ya nya jak udah progress aku. Untuk solo lagu tu, aku benong ninga lagu tu ari masa ke semasa kena ngingat ke iya. *Aku tu buta music note*. Semua dipelajar ari hearing & observation. Umbas ya ga lagu tu asaiku. Enda asai main lagu ari Steve Vai & Satriani. Lagu Vai & Satriani tusah ga dimain tang ba aku lagu 'Five' tu pama gik ga. Tepaksa meh aku bejaga sampai jam dua pagi kena priktis lagu tu tiap-tiap malam. Ngicha ke jampat meh ulih master lagu tuk.. Aku enda akan puas ati selagi empai ulih main lagu tu enggau perfect//hmm.. ukai perffect la.. tp near perfect.... Peace!!Wish me luck!!
Tumu pagi kemari, kira jam 3 pagi, dingaku HP memunyi. Ah.. sapa meh talipon tumu-tumu ketu ko atiku. Bc asai ke enggai nyambut tang ni nemu ko aku.. emergency kini... Maia ku nyambut, dinga ku suara kazen ku. Heran pulak aku... Tu randau kami duai ya sarinya..
Aku: "Halo.. sapa tu ah ?"
Kazenku: Aku tuk.. Rox tu. (Enda normal jak nada & pitching suara ya)
Aku: Auk. Nama hal deh ? Dini d tu ? Nama main nuan empai tindok maia jam tu ?
Kazenku: Ditu kami. Ba Jalai Bintangor. Baru udah eksiden bas ke tepan aku. Belanggar enggau lori kayu!
Aku: Bah...! Lapanya kenya ? Enda pedis d ? Sapa enggau d ?
Kazenku: Bc mengkol mimit pala ku. James enggau ku (James tu madi tuai ya). James balat mat bedarah ba mua. Nadai peda mata ya! Baru udah nurun ari bas nya kami duai. Agi maioh ke enda alah tarit ba atas nya. Kena kepit bangku. Siko nyengala mati. Pegu ya baka ka dipulas laban ya duduk ba luan.
Aku: Apuu.. amat raya ga nya neh.. Udah kol Ambulan ? Polis ? James kati deh ? Anang ngasuh ya maioh engkebut. Ni nemu engka bisi patah. (maia tu, sempat ninga munyi nyawa urg nyabak. rauh-rauh engkakai.. Pedis mat nya jangkaku).
Kazenku: Udah kol ambulan & polis tadi. Enda lama gik datai meh nya pelabaku. Maioh putus & patah kaki bala kami ke nepan bas nya tadi laban kena sambar bangku. Mua ari kiba bas, mina tinggal 2 seat belakang aja agi. Ya ke bukai ari depan, semua anchhur nyentok ke perabung bas.
Aku: Keni tau kenya deh ? Laju deriba kitak mai pia ? Ngantuk ? Urg ngelantak ?
Kazenku: Nya deriba nya deh. Gamal ya ngena! Tadi udah ku ngerara ya enda ngasuh mai laju. Kami mopok ari Kuching pukul 9.30 malam. 3 Kali ngetu. Tu bedau pukul 3 pagi tu, udah datai ba Bintangor. Rampang deriba! Bisi ditu ya, benong mansa luan aku. Urang ke pedis laban ya!
Aku: Sabar pok. Sida Mak d dah nemu ?
Kazenku: eh.. ka tipon sida mak ku dulu. Legi berandau enggau d baru. Apu... bisi kaki urang tinggal ba belakang lori ke lantak kami nya.. eii.. darah din diak.. aku kin dulu ga. D kol gai sida mak ku, madah ke sida. Ka nulung sida nyin ku.. toooottt... (tutup tepon)
Hmmm.... Nenako meh ko ati ku din... Nasib manah mat kazenku nya kira ke nadai apa nama.. Keni enda meh tudah James nya... (Saritu ku nemu pembuluh darah idung ya pecah bai belantak lalu kening ya kena jait 5)..
Laban pagi tadi ku bisi berandau enggau seduai ya.. diak seduai ya madah, maioh student bisi nepan bas nya. Student ILP ke temu seduai ya bisi diak. Siko ke mati on the spot nya urang ari Puncak Borneo, pulai kursus ari Kuching. Siko da gik mati on the way ke sepital Sibu ngena Ambulan. Beberapa iko, putus sereta lenyau kaki. Siko Belubang tengkorak pala.. Ya ke cedera dada nya maioh..
tegenung kejap ku... mikir ka utai ke nyadi tok...
Macam-macam pemedis ulih nuntung kemaia ari tu. Nya meh aku, maia agi sekula siba, enti nepan bas, enda kala ka ku duduk ba luan. Takut ke utai ketu meh.. Tambah gik kena ke deriba ke enda mereti sereta laju..
Maioh utai ulih ngasuh risiko nepan bas ekspress tu tinggi. Ba runding aku:
4. Deriba kelalu Laju (Laban ka jampat datai) <- Tu penyebab utama sida ya belantak malam nya
5. Deriba enda cukup rest. (Drive sampai 6 jam siko, baru beganti)
6. Bisi penanggur/kereta/lori bukai parking ba jalai alun, ngerampit jalai besai. (Tu meh antara sebab siti sida belantak malam nya)
7. Kabus/Kabut/Fog/limited vison kelebih gik malam ari
8. etc..
9. Indon kelalu maioh kekadang pan ulih nyadi risiko. Enti in group ke besai, sida ya cenderung ngaga hal dalam bas. Aku kala experienced tu. Malas ka cerita, ngasuh ati pedis jak..
------------------------------ Ngenang ke accident dibai bas tu, nitih ke ya ulih diseliahka nyema undang-undang sereta panduan pengangkutan awam nya dititihka.
Ngenang ke bas, tu sigi ukai kenderaan ke patut dibai laju. Nya alai ya nadai sistem safety maioh ba depan. Enda baka kerita. Kerita tu, bisi bumper nyadi 1st defense ya, lembut lalu nyerap hentakan, dahnya disambut injin kerita empu ke keras, nyau kurang mimit impaks ya diak, dahnya lalu body kerita nya empu. Manakala bas, Nang terus BUmper lalu terus ngagai tubuh bas nya empu... Nama meh urang design ya kenya.. Ujilah engka utai ke tebal gik antara bumper enggau body bas. Tang, rasional di sebalik design tu simple jak. Laban'BAS ENDA DIDESIGN KENA LAJU/BELUMBA).. slow jak lah maia drive bas. 60-80 kira ok lah. Anang mai sampai 120 km/hr. Pahai kitai.....
Company bas pan satu hal ga. Screen driver manah-manah. Ni ke sut-sut drive, anang ngambi gik. Pecat terus. Enda entu ulih beri peluang kedua ah.. laban pengawanya migai nyawa bala maioh.. Udahnya, siti gik. SMS aduan, bisi no ya engkah sida ba dalam bas. Ke temu aku, maioh dah aduan digaga bala bakih ku pasal driver bas ke laju.. ngarap ke tindakan bisi tang meh, bulan baru, agi deriba nya ga mai bas.. bulan nyin ila, agi mua ya ga mai bas, malah ganas & berskill gik ya mai bas.. hehh...
Bala lori balak pan satu hal ga.. selalu parking ba tisi jalai tanpa engkah tanda ke ulih peda baik ka malam tauka siang. Pelaba ku sida tu ke maioh gik ngereja pengawa illegal. Nya sida ya enggai engkah tanda, enggai ke berupai peda urang.
Apapun, syukur ga ngagai Petara laban kazenku dua iko nya mina telih mimit. Ngenang sida ke nadai nyawa nya, sida ke putus kaki, sida ke belubang pala.. kasih meh meda.. besampi gai Petara jak ngicha ka iya ke udah nadai nya, roh ya bulih blessing lalu semak enggau Petara. Ngagai sida ke bakal nya.. get well soon!
Pagi tuk tadi ku meda, ba frontpage local newspaper gambar bas ke kena sida ya nya.. baka tin sardin luncheon meat iya ke dibuka ngena kunci nya... oh ya.. tu second accident syarikat bas tu taun tu. Tak lain tak bukan, anugerah Operator bas paling Menyayat ati dan Laju tu, diempu 'Biaramas'.. ngena Busasia iya ke nyadi kebanggaan ia nya meh..
Manah gik bekayuh jak ngena perau... selamat.. lubah datai.. tapi opss... maioh baya...! Nya pan ngasuh lenyau kaki jari.. lenyau nyawa.. hehehehe...
Hmm... Kemari 25 Mac 2009, hari yg paling santai asaiku.. Ni nda, internet down ba are Parkcity Bintulu. Kebanyakan keja nguna connection internet..
Cuba besikap positif.. gaga ku meh apa yg patut digaga ya ke nda memerlukan internet connection. Malangnya, HQ company tu ukai ba menoa tu.. Ka send document pan nda ulih.. bc ga berunding ka gai cyber tp mmandang ka utai nya enda urgent, kira ke rilek ba office jak meh ngintu dokumen ke bisi dulu.
Cuba kol ngagai technical support streamyx. Dipeda ku manah jam. Bisi meh dalam 2 jam kol.. tekan tu, tekan nya.. datai ba bhgn technical support, semu agent benong sibuk melayan pelanggan dalam talian... lalu sibuk meh sepengelama dua jam nya. Alu nda ulih bejako nggau sida.. Ka pan enda, kol TM jak meh ngena no 100.
Haa.. bisi nyaut. Diak sida madah 'nadai problem' ba Bintulu. Mina ba siti kawasan jak ba Semenanjung din. .. Mungkin hardware failure or cable tercabut.. nda patut ga... udah ga bekali-kali check... Ah.. awak ke dulu meh.. gaga jak nama ke patut... Asal udah report madah ke line ditu bisi problem.. nemu sida ya ngadu legi..
Pukul 4 lemai baru line internet manah baru... Sempat ga send dokumen..
Sepengelama ke nadai entu pengawa tengahari nya, sempat ga aku macha bup siti ari karang jari 'Zig Ziglar'.. motivator & author iya tu. Aku sigi minat apai tuai tu.. Manah magang karang gaga ya... cara ya ngarang semua mesej ke ka dikenatai ke ya nya cukup manah. Chunto-chunto baik ke agi idup tauka iya ke udah nadai dikena ya dalam karang ya endang dipilih, dipansik ya manah sereta amat nunjuk ke kitai mesej ke positif...Berkesan ba aku meh..
Hmm.. siti ayat ya ke deka dikunsi aku enggau bala pemacha, diambi ari bup tu. Ianya " If you don't like your situation in life, don't fret or worry - do something about it - Worry less, Act More"..
Hmm .. sama-sama berati ke jako nya meh kitai.... Bisi ga input positif diulih ku maia internet down... he he he... Glad saritu, all going well.. Kerja pan ok.. ahead schedule.. nadai betangguh...
Pagi ari satu, ari yang penuh enggau semangat laban ka planning pengawa for the whole week. Maioh urang enda rindu tauka boring nurun keja maia ari satu. Biasa meh nya, udah bendar rindang, raun-raun maia ujung minggu, dahnya masuk kerja baru. Kenang ke best maia ujung minggu, kenangan kehidupan personal kitai enggau bala kaban-kaban.. bala diri sebilik, bejalai, begulai betundi begagai… mood kitai dalam kaler kelip-kelip birumerah.. birumerah.. laban gaga ati.. berasai senang lantang ngereja pengawa ke dikerindu begulai enggau urang dikerindu.. Nadai nuan ka ngaga utai ke enggai nuan maia nuan lepa pelaba ku..
Tang ari satu tetap datai.. baka biasa, ari satu aku nurun kerja enggau penuh semangat. Semangat ka mutar ke pengawa, ka ngintai peluang ke bisi, ngicha ke senang gik meh for the rest of my working days.. awak ke pengawa dikerja mujur gik..
Datai di office, aku ninga lagu lok. Kena muka mood. Hmm.. nampaknya, pagi tu aku muka ari kerja ku ngena lagu instrumental ari kumpulan ‘ Folkearth’. Ha.. asai ka betanda ngena ‘kilt’ ku ninga..
Ok.. dah bulih mood dah ku.
Meda ba keliling mija kerja, hmm.. maioh amat application kerja ari kitai sama bansa. Kira saritu legi meh sorting out ya. Maioh macam bengkah kerja dipinta, maioh macam application dipeda. Nya ko aku dalam ati, semua urang ke minta pengawa tu datai sereta ngisi form enggau penuh harapan. Harapan deka bulih kerja lalu kena ngidup ke diri sebilik.. hmm.. enda ulih main-main pengawa napis application sida tu. Mesti digaga enggau penuh teliti awak ka sama adil, rata & nitih ke pengelandik sida meh.
Apply Pengawa Puang
Nyau semak ngalih ari, bisi ga dua group bansa kitai niki office. Ngetuk cermin bilik aku, meri signal ka minta kerja. Asuh ku masuk ke dalam meh sida. Baka biasa, belicha enda lama meh dulu nanya ke ari ni penatai. Sida madah ke diri ari Miri.. kira jauh meh nya laban sida ya driving ari tumu pagi tadi.
Diberi aku form asuh ku isi sida tiga. Tiga-tiga ka minta pengawa. Maia ku nanya ke bisi experience ke nadai ba industri tu, diak siko madah ke diri bisi, dua iko agi madah baru ka nguji. Ok.. enda ngawa ko aku lalu asuh ku sisi diak meh.
Diperati ke aku, mina siko aja ke ngisi form. Dua iko agi, nganti siko nya tembu, minta tolong siko nya ngisi ke seduai ya form. Nang udah lumrah, laban tetiap ari ku meda urang datai minta kerja. Sapa ke enda ngisi form nya, bisi dua jak sebab ya.
No 1: Enda nemu nulis
No 2: Malas. Lalu ngasuh urang bukai ngisi ke ya (tu ke bahaya mat...)
Penembu form nya tadi, sida ya nyua ngagai aku. Tang bisi salah mimit.. eh.. salah maioh. Nadai certificates dilampirka begulai enggau application nya. Ditanya ku sida ya tiga. Diak sida madah, certs sida enda dibai. Tinggal di rumah. Enda memunyi aku. Berunding.. sedaya upaya aku cuba memahami sida tiga tu. Enti minta kerja, nda kan nuan datai sehelai sepinggang tanpa dokumen-dokumen ke patut.
Aku lalu madah manah enggau sida tiga. Enti ulih ngasoh sida ya sereta ka enggau certificate sida ya ba form. Form kira bai dulu meh pulai. Pos tau meh, pia ko aku. ‘ooo.. ' ko sida ya.. (tanda paham ke nda.. nda nemu ku)..
“nadai urang madah ngasuh mai certificate’ pia ko siko.. Senyum jak meh aku. Agi bakatu ga penemu sekeda bansa kitai. Ukai nama nya ko runding aku. Engka sida empai kala tededah ngagai cara apply kerja nitih ke prosedur ke patut. Ngelama tu, engka sida dibai bala maia bekerja. Nadai ngisi form apa semua. Tang, aku madah ga enggau sida, bakatu meh cara minta kerja ba company tu. Ngicha ke sida ya mopok belajar meh cara kemaia ari minta kerja. Empai gik minta secara online nya. Tang meh, manah meh sida ya madah enda kala minta kerja ngena cara mai certificates. Kitai ulih ga nulung madah. At least, bisi ga utai dipelajar, diubah sida ya. Mopok-mopok meh..
Udah nya mopok meh sida tiga. Ari satu minggu baru sida ka datai baru ko sida ya. Ngelengkap ka utai ke enda lengkap.. Nyaa.. nyau tebasau ari.. minyak kereta.. keselamatan ba jalai alun agi… Tang laban ka gawa, sida akan datai baru.. Set ku dalam note ku, ari satu, meda sida tiga tu baru. Kali tu, enggau harapan meda certs sida ya. He he..
Nah.. jam diatu semak pukul 11.35 am. Apu… nda sedar aku ter’ngular’ tu tadi neh.. bakani ka maju?? Hehehehe… Pukul 11 tadi aku start mimit-mimit ngarang tu. Eh.. nda ulih jadi tu.. Gawa mesti ka focus… diatu ngetu dulu aku ngarang tu.. ka focus lok.. ukai focus kerja.. laban jam diatu udah semak pukul 12. Ka focus makai dulu.. he he he….
Baru dah abis rijista ba blogspot. Jam diatu 2.30 lemai, kena ari 5, 20hb Tiga 2009. Eh.. pegila, maioh bengkah menoa ke empat musim nyambut penatai musim bungai... fuh.. kira pembukaan ke manah lah sempena enggau hari pertama blog page ku enseput ba ruang cyber tuk.
Sebedau ku start naip tadi, baka biasa, pilihan font meh dulu dirunding ke aku lalu 'verdana' tu meh kena ku lalu sentiasa nyadi feveret aku maia naip. Nama kebuah ? Aku empu pan enda nemu. Laban maia macha artikel ke bekena ke font 'verdana' tu, aku berasai nda nyalah-nyalah ngirup ai teh c peng ke cukup lemak berkrim. Asai ke ninga sada nyawa Christina Aguilera maia belagu. Lemak, berkrim.. (mungkin tu salah satu disorder kot..)
Nah.. aku ngelalu ke penatai aku empu dalam dunya blog tu laban nadai meda urang bukai ku ditu. Ngentak langkau ba tinting bukit jauh ari urang jak asai ya. Apapun, ngagai sapa-sapa ke bisi nemuai ngagai blog aku tu lalu maca karang keterubah aku tuk, aku meri terima kasih laban sanggup meluang masa kitak. Ai bisa nadai ba langkau aku tuk. Mina jus rungan jak bisi. Resipi original dibai aku maia aku ngejang ka Gua Batu kelia. Warisan 'pesaka' peturun Kesindap. Nyadi kebanggaan maia duduk lepak baru pun ensurai sambil ngirup jus rungan.
Nyaa.. nyau jauh aku tuk tebabas.. Ok meh.. Dah tu ila, maioh utai ka dikarang aku. Maioh amat utai dipansa, dipeda, didinga, diasai, dikingin, diperambu etc.. siti-siti meh pekara tuk ka di'abadi' ka aku ngagai bentuk wording dalam blog.
Enda ingat nyebut tadi. Aku diau ba dunya Sarawak. Enda jauh, ba Bintulu jak. Enti kitak suah mansa jematan Kemena, bisi kitak meda aku dugau-dugau nginti ba warf express tauka ba jeti endor tongkang selalu munggah kayu.
Until next time, thanks for your time. Mopok dulu aku.
